„ლევანიტა“ არის ქართული ღვინის კომპანია, რომელიც დაიბადა მამისა და შვილის სიყვარულიდან და წარმოადგენს ბრენდს, სადაც თითოეულ ბოთლში ქართული ტრადიცია, ოჯახური ღირებულებები და თაობებს შორის კავშირი ერთიანდება. კომპანია აწარმოებს პრემიუმ ხარისხის ღვინოს ქართული მეღვინეობის მრავალსაუკუნოვანი გამოცდილებისა და თანამედროვე სტანდარტების შერწყმით. ვენახები მდებარეობს სოფელ მარანში, აბაშის მუნიციპალიტეტში — რეგიონში, რომელიც გამორჩეულია მეღვინეობის მდიდარი ისტორიითა და უნიკალური ვაზის ჯიშებით.

„ლევანიტა“ განსაკუთრებულ ყურადღებას უთმობს ქართული ენდემური და ავთენტური ვაზის ჯიშების აღდგენასა და პოპულარიზაციას, მათ შორის იშვიათ ჯიშს „მგალობლიშვილს“, რომლისგანაც შეიქმნა კომპანიის პირველი ღვინო „როზე“. ჩვენი მიზანია შევქმნათ გამორჩეული ხარისხის ღვინო, რომელიც ასახავს ქართული ვაზის მარადიულ სულს, ქვეყნის უნიკალურ ღვინის კულტურას და ღირსეულად წარადგენს ქართულ მეღვინეობას როგორც ადგილობრივ, ისე საერთაშორისო ბაზარზე.“